جدہ میں انجینئرخالد محمود ضیاء کی میزبانی میں برکا المدینہ ریسٹورینٹ میں صحت اور غذائیت‘‘ کے موضوع پر ایک سیمینار کا انعقاد کیا گیا جس میں پاکستان کی معروف ماہرِغذائیات ڈاکٹر وردہ سکندرنے نے صحت، تندرستی اور غذائیت کے باہمی تعلق پر تفصیلی گفتگو کی صحت مند زندگی کے رہنما اصولوں پر روشنی ڈالی۔ عثمان جیلانی نے تلاوت قرانِ پاک سے تقریب کا آغازکیا۔ بارگاہ رسالت ﷺ میں نذانہ عقیدت نواز جنجوعہ نے پیش کیا۔ جبکہ نظامت کے فرائض انورانجم نے سر انجام دیئے۔
ڈاکٹر وردہ سکندر نے اپنے لیکچر میں بتایا کہ متوازن خوراک، مناسب نیند، پانی کا استعمال، اور جسمانی سرگرمی صحت مند طرزِ زندگی کی بنیاد ہیں۔اگر غذائیت کی عادات کو سائنسی بنیادوں پر سمجھا جائے تو نہ صرف ذیابطیس، بلڈ پریشر اور مٹاپے جیسے مسائل پر قابو پایا جا سکتا ہے بلکہ عمومی ذہنی و جسمانی کارکردگی میں بھی نمایاں بہتری آتی ہے۔ سیمینار کے اختتام پر شرکاء نے انجینئر خالد محمود ضیاء اور ڈاکٹر وردہ سکندر کے اس علمی و رہنمائی بھرے سیشن کو سراہا۔ پاک اوورسیزمیڈیا فورم کے چئیرمین چودھری محمد ریاض گھمن، پاکستان ویلفئیرسوسائٹی اور پاکستان کڈنی سینٹر کے شریف زمان، فری میڈیکل کیمپ ڈائریکٹر عبدالستاریونس اور یونائٹیڈ میڈیا فورم کے چیئرمین جہانگیر نے گفتگوکرتے ہوئے اس بات پر زور دیا کہ معاشرے میں اس طرح کے آگاہی پروگرام باقاعدگی سے منعقد کیے جائیں تاکہ عوام میں صحت مند طرزِ زندگی کو فروغ دیا جا سکے۔
جدہ میں صحت اور غذائیت کےموضوع پر ڈاکٹروردہ کا لیکچر
