جدہ میں 24اور 25 اکتوبر کو پاکستان انٹرنیشنل پراپرٹی ایگزیبیشن 2025 کے انعقاد سے اوورسیز پاکستانیوں کے لئیے مواقع سامنے ائیں گے، اسکے آرگنائزرعمران خٹک نے صحافیوں سے ملاقات اور ایونٹ کے بارے میں تفصیلات سے آگاہ کیا۔ پریس بریفنگ میں پاکستان اوورسیز میڈیا، فورم، یونائیٹڈ جرنلسٹس فورم اورسوشل میڈیا انفلوئنسرزکی ٹیموں کو ہوٹل گلیریا جدہ میں خصوصی طور سےمدعو کیا گیا تھا۔ جن کے نمائندگان نے بڑی تعداد میں بھرپور شرکت کی۔
عمران خٹک نے کہا ایونٹ کا مقصد پاکستان رئیل اسٹیٹ انڈسٹری کو عالمی سطح پر متعارف کرانا اور بیرونِ ملک پاکستانیوں کو محفوظ، مستند اور منافع بخش سرمایہ کاری کے مواقع فراہم کرنا ہے۔ اس ایونٹ میں شامل تمام ڈویلپرز حکومتِ پاکستان سے باقاعدہ رجسٹرڈ ہیں، تاکہ سرمایہ کاروں کا اعتماد مکمل طور پر بحال رہے۔ ایونٹ 10واں ایڈیشن 24 اور25 اکتوبر 2025 کو ہوٹل گلیریا شارع تحلیہ میں منعقد کیا جارہا ہے۔ جس میں پاکستان کے تین بڑے شہروں لاہور، کراچی اور اسلام آباد سے ممتاز ڈویلپرز شرکت کریں گے۔ ایونٹ میں پچاس سے زائد معروف پراپرٹی پروجیکٹس نمائش کے لیے پیش کیے جائیں گے، جن میں الکبیر ڈیویلپرز، کنگڈم گروپ، فیصل ٹاؤن اور دیگر نمایاں ادارے شامل ہیں۔ یہ ایگزیبیشن نہ صرف پاکستانی بلکہ سعودی سرمایہ کاروں کے لیے بھی ایک بہترین موقع ثابت ہوگی۔
سعودی عرب میں بسنے والے پاکستانیوں کے لیے خصوصی اہمیت رکھتا ہے۔ انہوں نے امید ظاہر کی کہ اس نمائش سے پاکستان کے رئیل اسٹیٹ سیکٹر میں نئی سرمایہ کاری کے دروازے کھلیں گے۔
جدہ میں پاکستان پراپرٹی ایگزیبیشن 2025ء کی تیاریاں
