پاکستان کرکٹ لیگ (پی سی ایل) 2025 کا سعودی عرب کے شہر جدہ میں دی نٹس انڈورکرکٹ مریخ میں قونصل جنرل پاکستان عزت ماٰب خالد مجید اورپاکستان کے لیجنڈری کرکٹرجاوید میانداد نے شارٹ کھیل کر ٹورنامنٹ کا شاندارافتتاح کیا۔ پی سی ایل ٹیپ بال کرکٹ ٹورنامنت میں 8 ٹیمیں حصہ لے رہی ہیں جن کو دو مساوی گروپس میں تقسیم کیا گیا ہے۔
ہر ٹیم 6 کھلاڑیوں پرمشتمل پے اور ہر میچ 5اوورز کا ہوگا۔ ٹیموں میں پاکبان ، کبابش، مدن البنا، زولتیک، ہزارہ کباب، اسکانکم للمقاولات، المسارات المختلفہ اورایکشن 8 شامل ہیں۔ ٹورنامنٹ ریاض، مدینہ المنورہ اور منطقہ الشرقیہ دمام بھی کھیلا جائے۔ افتتاحی تقریب کا تقریب کا باقاعدہ آغاز تقریب کا باقاعدہ آغاز تلاوت قرآن پاک سے ہوا اور بعد ازاں قومی ترانہ احترام میں سب نے کھڑے ہوکر سنا۔ تقریب میں جن نمایاں معزز مہمانوں نے شرکت کی ان میں پریس قونصلر پاکستان قونصلیٹ جدہ محمد عرفان، معروف سعودی بزنس ویمن اورسعودی میڈیا پرسن ڈاکٹرسمیرہ عزیز، پاکستان کرکٹ لیگ کے اسپانسرز چوہدری شفقت محمود، سردارنصر اقبال، انید احمد، شیراز، حاجی عثمان،عمران صدیقی اور دیگر شامل تھے۔ تقریب کی نظامت احسن نصیرنے کی قونصل جنرل خالد مجید نے تقریب سے خطاب کرتے ہوئے کہا کہ اس قسم کی کھیلوں کی سرگرمیاں نہ صرف پاکستانی کمیونٹی کے لیے صحت مند رجحانات کو فروغ دیتی ہیں بلکہ نوجوانوں کو مثبت سرگرمیوں کی طرف راغب کرتی ہیں۔ اُن کا کہنا تھا کہ قونصل خانہ ہمیشہ سے کرکٹ سمیت کھیلوں کے فروغ کے لیے کوشاں رہا ہے، اور قونصل خانہ کی ٹیم کی شرکت اس بات کا ثبوت ہے کہ ہم اس مشن کے ساتھ سنجیدگی سے وابستہ ہیں۔ انہوں نے مزید کہا کہ جاوید میانداد کی شرکت اس لیگ کے لیے باعثِ فخر ہے اور یہ لیگ نہ صرف ایک ایونٹ ہے بلکہ یہ سعودی عرب میں موجود پاکستانی کمیونٹی کے اتحاد، جوش و جذبے، اور حب الوطنی کی عکاس ہے۔ جاوید میانداد نے کہا کہ سعودی عرب میں اس نوعیت کی لیگز کا انعقاد نہایت ضروری ہے تاکہ یہاں کرکٹ کو فروغ ملے۔ اُنہوں نے تجویز دی کہ آئندہ ایسی لیگز میں پاکستان سے بھی کم از کم ایک کھلاڑی کو ضرور شامل کیا جائے تاکہ یہاں کے کھلاڑیوں کو تجربہ حاصل ہو اور معیار میں بہتری آئے۔ وف سماجی رہنما سردار نصر اقبال نے بھی اظہارِ خیال کرتے ہوئے کہا کہ قونصل خانہ کی نئی عمارت میں ایک مفت کرکٹ گراؤنڈ بنانے کی پیشکش کرتے ہیں تاکہ کمیونٹی کے نوجوانوں کو کھیل کی مزید سہولیات میسر آئیں۔ معروف سعودی بزنس ویمن ومیڈیا پرسن ڈاکٹر سمیرا عزیز نے اپنے خطاب میں ٹورنامنٹ کے انعقاد پر آرگنائزر کو مبارک باد دیتے ہوئے کہا کہ محمد بن سلمان کے 2030 وژن کے مطابق اس ٹورنامنٹ میں خواتین کھلاڑیوں کا بھی نمائشی میچ کھیلا جا رہا ہے جس سے سعودی عرب میں خواتین کرکٹ کھلاڑیوں کو بھی اپنی صلاحیتیں دکھانے کا موقع ملے گا۔
پاکستان قونصلیٹ نے پاکستان جرنلسٹس الیون کو ہراکر نماشی میچ جیت لیا
افتتاحی تقریب کے بعد پاکستان قونصلیٹ جدہ اور پاکستان جرنلسٹس الیون کے درمیان ایک نمائشی میچ کھیلا گیا جس میں قونصلیٹ الیون (ڈیپلومیٹس) نے جنرنلسٹس الیون (صحافیوں) کو با آاسانی شکست دے کر نمائشی میچ اپنے نام کر لیا۔ صحافی الیون کے کپتان جہانگیر خان نے ڈپلومیٹس الیون کی ٹیم کو بہترین کھیل پیش کرنے پر مبارکباد دی اور کہا کہ جلدی ہی ان سے ایک چیلنج میچ کھیلیں گے۔
ٹورنامنٹ آرگنائزرز یحییٰ اشفاق اور احسن نصیر نے قونصل جنرل خالد مجید، پریس قونصل محمدعرفان اور حاجی عثمان کا خصوصی شکریہ ادا کرتے ہوئے کہا کہ ان کے تعاون کے بغیر اس ٹورنامنٹ کا انعقاد ممکن نہ تھا۔ انہوں نے امید ظاہر کی کہ مستقبل میں بھی ان کا تعاون ہمارے ساتھ ہوگا۔جس سے سعودی عرب میں کرکٹ شائقین کو بہترین کرکٹ دیکھنے کو ملے گی۔
